Vetrar Fjallabrun HFA á IWG 2018

Upplýsingar

Vetrar Fjallabrun HFA á Icelandic Winter Games 2018 Hlíðarfjall - Strompur, Strýta, Fjarkinn í einu bruni! Mikill hraði!

Keppnislengd

Lengd: 1.8 km Fallhæð: 489 m

Hjól

Hjólið verður að vera fjallahjól. Öll öryggisatriði hjólsins skulu vera í góðu lagi. Veður og skyggni getur breyst mjög fljótt í Hlíðarfjalli og er því mælt er sérstaklega með því að keppendur séu með (gott) rautt ljós að aftan í öryggisskyni.

Búnaður

Skyldubúnaður: - Hjálmur - Bakbrynja Mælt er með: - Full-face hjálm - Öllum hlífum

Æfingar og brautarskoðanir

Vegna aðstæðna er mjög ervitt að standa fyrir æfingu eða kynningu á þessari keppnisbraut en ef af einhverju svoleiðis verður, verða þær æfingar auglýstar þegar nær dregur keppni.

Reglur

- Mótsstjórn mun skoða hjól þáttakenda og áskilur sér rétt til að hafna hjólum, keppendum og/eða búnaði sem ekki teljast uppfylla það öryggi sem krafist er. - Ekki verður hægt að skrá sig á mótsstað. - Afhending keppnisgagna er milli 14:00 og 15:00 uppi í Hlíðarfjalli (skíðahótel). - Mæting fyrir keppendur, sem eru búnir að nálgast keppnisgögn, er í síðasta lagi klukkutíma fyrir keppni eða Kl. 15:00.

Skilmálar

* Þátttaka í keppninni er alfarið á ábyrgð þátttakandans sjálfs. * Þátttakendur gera sér grein fyrir hættum á líkams- og eignatjóni sem fylgir viðburði sem þessum og eru á eigin ábyrgð á viðburðinum og í keppninni sjálfri. * Með því að skrá sig í mótið afsalar keppandi sér öllum hugsanlegum kröfurétti á hendur Hjólreiðafélags Akureyrar - HFA sem mótshaldara, brautargerðamanna, Hlíðarfjalls og/eða Akureyrarbæjar sem landeiganda. * Þátttakandi gengst við því að hafa kynnt sér og samþykkt reglur mótsins.